Чалавек ёсць тое, што ён есць…

Мэты: навучыць вучняў выбіраць карысныя прадукты харчавання; пазнаёміць вучняў са “шкоднымі” прадуктамі; фарміраванне здаровага ладу жыцця праз правільнае харчаванне.

Абсталяванне: жвачка, грэцкія арэхі і фундук, сухарыкі “Flint”, чыпсы “Mega Chips”, макароны хуткага прыгатавання “Мівіна”, суп хуткага прыгатавання “Knorr”, смятана, ёгурт, малако, сок, сырок тварожны, кофе, мінеральная вада, CocaCola, муляжы садавіны, фруктаў.

Ход урока:

1)Арганізацыйны момант

2)Адносіны дзяцей да харчавання (пытанні да класа):

- У пачатку нашага ўрока, давайце адкажам на некалькі пытанняў:

Як часта вы харчуецеся?
Вы ядзіце тое што прыгатуе матуля, або тое што любіце?
Якое ў цябе любімае блюда?
Ці ёсць такія блюды, якія ядзяць толькі ў вашай сям’і?
Што вы звышайна ядзіце, каб перакусіць (сыр, арэхі, цукеркі)?
Ці любіце вы паесці пад час прагулкі або гульні?
Што часцей за ўсё вы п’еце (газіраваную ваду, малако, ваду, чай, каву)?
Як вы лічыце, тыя прадукты што вы ядзіце, карысныя для вас?
Як вы лічыце, правільнае харчаванне дапамагае вам заставацца здаровым?

3) Лекцыя настаўніка

- У кожнага з вас ёсць любімыя прадукты і напіткі, розныя прысмакі. Давайце здзейснім віртуальнае падарожжа ў магазін і “купім” тыя прадукты, якія вы захочаце (кожны кладзе ў пакет тое, што хоча).

- Як вы, магчыма, ведаеце, наш арганізм пастаянна працуе, нават тады, калі мы спім. У арганізме пастаянна траціцца энэргія, якая неабходна для работы ўсіх органаў: сэрца, лёгкіх, страўніка, мышц і іншых.

- А адкуль бярэцца гэтая энэргія? (яна вылучаецца пры разбурэнні рэчываў, з якіх складаецца наша ежа.)

- Давайце ўспомнім, якія асноўныя пажыўныя рэчывы змяшчае ежа? (бялкі, тлушчы, вугляводы, вітаміны, мінеральныя солі).

- Бялкі неабходны для роста і развіцця арганізма. Яны ўтрымоўваюцца ў мясе, рыбе, творагу, сыры, яйках. Вугляводы – гэта крыніца энэргіі – змяшчаюцца ў цукры, агародніне, прадуктах з мукі. Вітаміны і мінеральныя солі – таксама важныя элементы ежы. Іх адсутнасць прыводзіць да такіх захворванняў як цынга, рахіт. Вітаміны А і Д, неабходныя для росту, змяшчаюцца ў масле, смятане, рыбіным тлушчы.

Как забяспечыць арганізм гэтымі рэчывамі, кожны дзень неабходна есці прадукты асноўных груп – гэта фрукты і агародніна, хлеб і макаронныя вырабы; мяса, птушку, яйкі, рыбу, гарох і фасоль, а таксама малако, сыр, ёгурт. Для нармальнай жыццядзейнасці арганізма вялікую ролю адыгрывае таксама і збалансіраванае харчаванне або рацыён.

4) Творчае заданне

- Паспрабуйце скласці меню харчавання, з тых прадуктаў, якія вам падабаюцца (дзеці самастойна працуюць з табліцай).

Сняданак	1) 2) 3)
Абед	1) 2) 3) 4)
Поўднік	1) 2)
Вячэра	1) 2) 3)

- А зараз, давайце параўнаем ваша меню з меню, якое рэкамендуюць урачы (запісана на дошцы).

Сняданак	1) макароны з сырам; 2) кава; 3) хлеб з маслам;
Абед	1) суп (гарохавы або з капусты); 2) рыба і бульба; 3) хлеб; 4) кампот або фрукты;
Поўднік	1) чай або кефір; 2) хлеб (булачка);
Вячэра	1) каша з грэчкі з малаком, яйка; 2) чай; 3) хлеб з маслам.

5) Шкодныя прадукты

- Не адзін жывы арганізм не можа існаваць без вады. Вада паступае ў арганізм з вадкай ежай. Самым лепшым напіткам для дзяцей з’яўляецца чай, малако, фруктовыя і ягадныя сокі. А вось якую ваду лепей выбраць у магазіне: мінеральную або кока – колу?(вучні выказваюць свае меркаванні)

- Нажаль у цяперашні час з’явілась вельмі шмат прадуктаў, якія сталі неад’емнай часткай нашага харчавання. Гэта гамбургеры, супы хуткага прыгатавання, кашы – мінуткі, чыпсы, сухарыкі. Вельмі часта ў рэкламе гэтых прадуктаў прымаюць удзел дзеці, але гэта не значыць, што рацыён школьніка павінен складацца з “супоў у стакане” і хот – догаў.

- Паглядзіце, у мяне на стале ляжаць прадукты, вельмі добра вам знаёмыя: лапша хуткага прыгатавання, сухарыкі, жвачка, чупа – чупс, кола. Скажыце, а хто любіць гэтыя прадукты? Падыміце, калі ласка, рукі. Гэта ўсё смачна, але давайце высветлім, што на самай справе ўяўляюць сабой гэтыя прадукты.

Кашы, бульёны, супы хуткага прыгатавання вельмі шырока прадстаўлены ў нашых магазінах. У састаў такіх каш уваходзіць грэчка, кукуруза, сухое мяса, грыбы, а таксама сінтэтычныя падсласліцелі, фарбавальнікі, араматызатары. Неабходна памятаць, што такія прадукты выклікаюць захворванні стрававальнай сістэмы.

Чыпсы і сухарыкі займаюць першае месца ў харчаванні ўсіх школьнікаў. Чыпсы і сухарыкі з’яўляюцца змяшчальнікамі тлушчу, які ў арганізме чалавека застаецца ў выглядзе адлажэнняў. У дзяцей, якія харчуюцца чыпсамі і сухарыкамі можа развіцца вітамінная недастатковасць. У ЗША гэтая праблема стала нацыянальнай, амаль 30% дзяцей школьнага ўзросту пакутуюць на лішнюю вагу. Такім чынам, празмернае захапленне чыпсамі і сухарыкамі можа справацыраць развіццё празмернай масы цела. Акрамя таго, вядомы той факт, што чыпсы і спецыі, што ў іх змяшчаюцца, раздражняюць слізістую абалонку стрававальнай сістэмы, што прыводзіць да развіцця захворванняў страўніка і кішэчніка (гастрыт).

Газіраваныя напіткі.

А якія газіраваныя напіткі вы ведаеце? (адказы вучняў).

У састаў газіраваных напіткаў уваходзяць розныя кансерванты: бензойная кіслата, цукровы колер, жоўты хіналінавы, фарбавальнік сіні, вуглякіслы газ і іншыя рэчывы. Газіраваныя напіткі выклікаюць такія захворванні як гастрыт, язва страўніка, алергія, камні ў нырках, карыес.

Газіраваную ваду нельга ўжываць дзецям, якія пакутуюць на цукровы дыябет, захворванні печані. У газіраванай вадзе няма ні вітамінаў, ні мінеральных рэчываў, якія так неабходны таму арганізму, які расце.

Жвачка.

Усе людзі любяць жаваць, асабліва дзеці. Што ж даюць нам гэтыя сінтэтычныя пласціначкі? У састаў жвачак уваходзяць розныя фарбавальнікі, араматызатары, рэчывы, якія надаюць салодкі смак. У некаторых краінах нават вырашаецца пытанне аб забароне выкарыстоўвання жвачак, так яны вельмі негатыўна дзейнічаюць на арганізм чалавека.

Неабходна памятаць, што выкарыстоўванне жвачкі зніжае апетыт, выклікае алергіі, а таксама выклікае гастрыт і іншыя захворванні. Жаваць жвачку можна толькі адзін раз у дзень пасля ежы для таго, каб ліквідаваць астаткі ежы пасля яды.

-Вось колькі шкоднай ежы зараз нам прапаноўваюць вітрыны магазінаў. Трэба навучыцца правільна выбіраць карысныя прадукты, якія не наносяць шкоды нашаму арганізму.

А для сябе кожды хай зробіць свой выбар, што трэба есць і калі, ці патрэбна калечыць сваё здароўе дзеля гэтай спакусы.

6) Гульня “Так, не, не ведаю”

- Я падрыхтавала для вас некалькі пытанняў. Вам неабходна даць адказы на гэтыя пытанні: так, не або не ведаю. Калі вы не ведаеце, абгрунтуем гэтае пытанне.

Ці праўда, што жвачка робіць зубы больш моцнымі? (не)
Ці праўда, што батончыкі з шакаладу ўваходзяць у пяцёрку шкодных прадуктаў харчавання? (так)
Ці праўда, што бананы падымаюць настрой? (так)
Ці праўда, што морква замядляе старэнне арганізму? (так)
Ці праўда, што летам можна “запасціся” вітамінамі на цэлы год? (не)
Ці праўда, што кожны дзень неабходна выпіваць два стаканы малака? (так)
Ці праўда, што салодкія газіраваныя напіткі ўваходзяць ў пяцёрку шкодных прадуктаў? (так)
Ці згодны вы, што чыпсы карысныя для здароўя? (не)
Ці правільна, што маладому арганізму кожную нядзелю неабходна 30 відаў розных прадуктаў? (так)

7) Гульня “Закончы фразу”

Калі мне прапануюць кампот з яблык або свежыя яблыкі, я выберу...
Калі мне прапануюць торт або зефір, я выберу…
Калі мне прапануюць сок з мякаццю і газіраваны напітак, я выберу …
Калі мне прапануюць крыветкі або каўбасу, я выберу …
Калі мне прапануюць пячэнне або мармелад, я выберу …

8) Падвядзенне вынікаў занятка

- Скажыце, чаму так важна харчавацца правільна?

- Аб чым новым вы даведаліся на ўроку?

9) Заключнае слова настаўніка

- Дарагія рабяты! Мне было вельмі прыемна працаваць з вамі. Я спадзяюся, што пасля нашых заняткаў, вы будзеце беражлівей адносіцца да свайго здароўя, будзеце клапаціцца аб ім. Наша класная гадзіна паказала, што вы многа чаго ведаеце, і наша задача паглыбіць веды выканана.

Будзьце здаровымі! Станавіцеся здаровымі! Заставайцеся здаровымі!